Cacharel

Cacharel markası, 1958-ci ildə, Jean Bousquet tərəfindən əsası qoyulan fransız markasıdır.  Brendin adı, Fransanın cənubunda rast gəlinən, balaca quşdan götürülmüşdür. İlk vaxtlar köynək tikilən atelye kimi fəaliyyət göstərən marka, münasib qiymətə rahat geyim və aksessuar təqdim etməsi ilə diqqət çəkir. “Tanrı qadını yaratdı” filmində Brigitte Bardot-un bu markanın köynəyini geyinməsi, çoxsaylı qadın pərəstişkarlarda bu markaya böyük yaradır.

1975-ci ildə Jean Bousquet, L'Oreal şirkəti ilə əməkdaşlıq edərək ilk ətrini istehsal edir. Yeniyetmə qızlar üçün nəzərdə tutulan ətir, brendin ətriyyat simvolu olur.

Münasib qiymət siyasəti ilə seçilən marka, 1997-ci ildə Fransanın ən böyük geyim istehsal edən şirkəti olur. Şirkət rəhbərliyi bir neçə dəfə dəyişsə də, rəngarəng tərzi ilə Cacharel bu gün də, sadiq müştərilərini sevindirməyə davam edir.