Chloe

Chloe – yüngül və zərif geyimləri ilə, maraqlı aksessuarları ilə, çantaları və dəbdəbəli ətirləri ilə məhşur olan fransız markasıdır. Brendin əsasını Gaby Aghion adlı xanım 1952-ci ildə, Parisdə qoymuşdur. 1945-ci ilədək Misirdə yaşayan xanım, Parisə köçdükdən sonra şəhərdə zövqünə uyğun geyim görmür. 1947-ci ildə Dior-un “New Look” kolleksiyasından təsirlənən xanım, öz markasını yaratmağı qərara alır. Lakin öz adını markaya vermək istəmir. Rəfiqəsinin adı “yaşıllaşma” mənasında işləndiyinə və yunan mifologiyasında Demetra yaşıllıq və bolluq tanrısı ilə assosiyasiya olunduğuna görə rəfiqəsinin adını markasına verir.

Fərqli rəngarəng və yüngül parçalardan geyimlər təqdim edən Chloe rəqiblərindən seçilir. Uyğun qiymət siyasəti və “Prêt-a-porter” tərzdə geyimlər diqqətdən kənarda qala bilməzdi. Məhşurluq dövründə marka, bir çox dizaynerləri cəlb edir. Onlardan biri gənc və istedadlı dizayner Karl Lagerfeld olur. 1966-cı ildə brend üçün işləməyə başlayan dizayner, 1975-ci ildə ilk parfümü təqdim edir. Lakin dizayner 1983-cü ildə Chanel markası üçün işləməyə başlayır. 1985-ci ildə brend “Richmond Group” tərkibinə qatılır. 2018-ci ildən Natacha Ramsay-Levi kreativ-direktor vəzifəsində çalışır.