GAP

GAP - kişilər, qadınlar və uşaqlar üçün geyim istehsal edən, ABŞ-ın əfsanəvi ticarət markasıdır. Bundan başqa, brend adı altında aksessuarlar, alt paltarları, çimərlik geyimləri və ayaqqabılar hazırlanır. GAP geyimləri orta qiymət seqmentinə aiddir. GAP ticarət markasının əsası 1969-cu ildə, Amerikanın San-Francisco şəhərində qoyulmuşdur. Donald ve Doris Fishers cütlüyü şəhərin mərkəzində geyim dükanı açırlar. Zamanın tələbini anlayan cütlük vinil lövhə və digər musiqi alətləri ilə birlikdə “Levis and Co” cins geyimlərini satışa çıxarırlar. Hippie axının fəallaşması ilə vinil lövhələr və digər musiqi alətləri daha da aktuallaşır. Bununla mağazaya müştəri axını başlayır. Dorisin məsləhəti ilə mağazanın adı “ Generation GAP (nəsillər arası boşluq) adlandırılır.

70-ci illərdə mağaza Levi’s markasından əlavə digər cinslər də satışa çıxarır. Bu cinslərin ən münasib qiymətə təklif olunması mağazanı olduqca məhşur edir. 90-cı illərdən marka Levi’s markasının cins geyimlərindən imtina edir, öz istehsalını genişləndirir və xarici dizaynını dəyişir.

Marka gündəlik istifadəyə uyğun yüksək keyfiyyətli məhsullar təklif edir. Bu brendin bütün dünyada populyar olması, bütün ailə üçün baza qarderobunu yarada biləcəyiniz çox saylı mağazaların olmasıdır. Eyni zamanda geyimlər şık dizayn və materialın yaxşı keyfiyyətinə görə fərqlənir. Gap Amerika mədəniyyətini təcəssüm etdirən geyim firmasıdır.