Guerlain

Guerlain brendi 1828-ci ildə Pierre-François Pascal Guerlain tərəfindən yaradılmışdır. Pierre İngiltərədə kimya üzrə təhsil almışdır. İlk zamanlar Guerlain brendi aptek tipli maqazin kimi fəaliyyət göstərmişdir.

25 il sonra III Napoleonun nigah mərasimində Guerlain Napoleonun xanımı, ispan şahzadəsinə İmperial ətrini hədiyyə edir. Ətir Napoleonun evinin rəmzi olan arıların qızıl suyuna salınmış relyefi ilə büllur flakonda hədiyyə olunmuşdu. Şahzadə ətrin qoxusunu olduqca bəyənir və Guerlain şah sarayının baş parfümeri təyin olunur. Beləliklə, o zamandan qızıl arı Guerlain ətir evinin simvolu olur. Napoleon-dan əlavə dövrünün məhşurları: İngilis və ispan kral ailələri, Balzac, Sarah Bernard və s. tanınmış şəxsiyyətlər üçün ətir evi parfümlər yaratmışdır.

Pierre-dən sonra oğlu Aime Guerlain atasının işini davam etdirir. O, bir-birinin ardınca uğurlu ətirlər yaradaraq ailə işinin inkişafına təkan verir. İlk dəfə ətir qoxusunu üç tərkib hissəyə – üst, orta və əsas notlara ayıran Aime Guerlain olmuşdur. Bundan başqa, Guerlain, Jicky  parfümü ilə ətriyyat sənətində təbii komponentləri və sintetik komponentləri birləşdirən ilk ətir yaradır.

Guerlain korporasiyasına görə, kompozisiyaların yaradılması əsl incəsənətdir. Parfümeriyanın paytaxtı Grasse-da xüsusi olaraq yetişdirilən çiçəklər Guerlain ətirlərini yaratmaq üçün istifadə olunur. Yalnız Grasse-da yasəmən bənzərsiz zərif bir ətirlə böyüyür, məsələn Guerlain-in Shalimar kimi ətirlərinə fövqəladə cazibə verir. Yalnız bir neçə firma bu bölgədə çiçək yetişdirə bilər.

Guerlain markasının son irsi parfümeri Jean-Paul Guerlain-dir. 2002-ci ildə Jean-Paul Guerlain öz markasını LVMH-yə satır. Lakin Jean-Paul Guerlain, markanın baş ətriyyatçısı Thierry Vosser ilə birlikdə ətirlər yaratmağa davam edir.