Kenzo

Kenzo geyim, aksessuar və ətir istehsal edən fransız lüks markasıdır. Brendin təsisçisi Kenzo Takado 1964 -cü ildə Parisə gələrək dəb aləminin diktə etdiyi qaydaları mənimsəyərək, modellər yaratmaq üçün yorulmadan çalışır. İlk olaraq eskizlərini satmaqla başlayan Kenzo, 1970 -ci ildə, Parisdə, “Vivienne” qalereyasında ilk kolleksiyasını təqdim edir və eyni ildə ilk Jungle Jap mağazasını açır. Məhz belə Kenzo markası yaranır.

Kenzo alıcıalarına yeni bir tərz təklif edir. Onun dizayn etdiyi geyimlər müasir, romantik, təmiz, rəngli və yüngül yapon mədəniyyətini tərənnüm edirdi. Kenzo kimonodan istifadə edərək onu Qərbi Avropa tərzinə çevirir. Şərqlə-Qərbin, yeniliklə ənənənin qarışığı - Kenzo Takadanın yaradıcılığı üçün simvolikdir.

1988-ci ildə Kenzo ilk ətrini istehsal edir. 1999-cu ildə istefasından sonra belə, Kenzo ruhuna və yaradıcılığına uyğun olan ətirləri yaratmağa davam edir.

1993-cü ildə marka LVMH tərəfindən alınır. 30 illik rəhbərlikdən sonra Kenzo şirkəti tərk etsə də, markanın sahibi olaraq qalır.