Brioni

Brioni markası 1945-ci ildə Romada, Nazareno Fonticoli və Gaetano Savini tərəfindən təsis edilmişdir. Markanın adı Adriatik dənizində yerləşən, aristokrat təbəqənin toplandığı adadan götürülmüşdür. İkinci Dünya müharibəsi bitdikdən sonra marka zərif klassikanı canlandırır. Brend, kostyumlarında Avropa və Amerika tendensiyalarını Roma tərzi ilə birləşdirir. Brendin fəaliyyət göstərdiyi ilk on ildə “kontinental stil” adlanan tərz və bir çox yeni tərzdə geyimlər yaradılmışdır.

Bir çox Hollivud ulduzları məhz bu markanı seçiblər. Millionların sevimlisi James Bond kostyumu da məhz bu firmaya məxsusdur. Bu firmanın hazırladığı geyimlər əl əməyidir və bir kostyumun hazırlanmasına 18-20 saata kimi vaxt tələb olunur. Şirkət Kering korporasiyasına məxsusdur.