Tiziana Terenzi

Tiziana Terenzi, istehsal etdiyi ətirli şamların qüsursuz keyfiyyəti ilə məhşur olan italyan ətir evidir. Şirkət ailə biznesi olaraq idarə olunur. Terenzi ailəsinin tarixi 1960-cı illərin ortalarında, Guillermo Terenzi-nin şam hazırlamaq üçün emalatxana açdığı zaman başlamışdır. Guillermo-nun bitki ekstraktları və əridilmiş mumu qarışdırdığı kiçik ev laboratoriyası nəhayət böyük Tiziana Terenzi ətir evinə çevrilir və bu ev hazırda onun nəvələri Tiziana və Paolo Terenzi-yə məxsusdur. Şirkətin dizayn işlərinə Tiziana, ətir istehsalına isə Paolo nəzarət edir.

Bu gün Tiziana Terenzi brendinin ideologiyası: xatirələri, işığı, rəngi qoxuda əks etdirərək dünyaya unikal mesaj göndərməkdir. Beləliklə, brendin ətirləri fərdilik qazanır, yaşayır, nəfəs alır və sintetik ticari ətirlərdən heyrətamiz dərəcədə fərqlənir.