Trussardi

Bu gün Trussardi adlı italyan moda evi bütün dünyada tanınır və bu təəccüblü deyil, çünki onun tarixi ötən əsrin əvvəllərindən başlayır. Marka 1910-cu ildə Dante Trussardi tərəfindən, Milandan 50 kilometr aralıda yerləşən Bergamo əyalətində təsis olunur. İlk zamanlar əlcək hazırlayan kiçik bir emalatxana, zaman keçdikcə məhşur brendə çevrilir. Geyim, ayaqqabı, çanta, ətir və s. məhsullar təklif edən brendin bütün əşyaları dinamikliyi, üslubu və təbiiliyi ilə seçilir.

Şirkətin fərqli xüsusiyyəti odur ki, o, məhsulları üçün materialları diqqətlə seçir, yalnız ən dəbdəbəli parçalardan istifadə edir və istehsal zamanı ən xırda detallara diqqət yetirir.

1980-cı illərdə o, klassik ətirləri, sonra isə gənclər üçün “Action Sport”, “Action Uomo” ətirlərini təqdim edir. Brendin ətir kolleksiyası 1991-ci ildə “Fragrance Foundation”mükafatını alır. Parfümlər ətriyyatçılar Alberto Morillas, Aurelien Guichard, Jean Guichard, Beatrice Piquet, Nathalie Lorson, Anne Flipo, Sophie Labbe, Daphne Bugey, IFF, Alexandra Kosinski və Louise Turner ilə əməkdaşlıq edilərək yaradılmışdır.

Bu gün Trussardi brendi mükəmməlliyin və sənət sevgisinin simvoludur.